М.А, мајка од Скопје која ги доела своите две деца вели дека доењето е природен процес и доаѓа само од себе, бебето кога ќе се роди знае што прави и се е во ред. Според неа, доењето ја прави врската мајка-дете поинаква од сите други, искуството е непроценливо.

Ф.П. – мајка од Битола, вели дека доењето е најздрав, најлесен и најпрактичен начин на хранење на вашето бебе. На почетокот имала проблеми, но ги надминала со поддршка и совети од други мајки кои поминале низ истотo. Според неа, доењето е блискост која само се доживува, едно посебно чувство на љубов и грижа за своето дете.

Ребека Јанковска – наша позната музичка ѕвезда и мајка која ги доела своите три деца, од кои две близнаци, вели дека породувањето е најприродното чудо на светот. Мајките кои чекаат близнаци се благословени. Ребека брзо успеала да ги дои двете бебиња истовремено, а голема поддршка и помош имала од нејзината мајка и од свекрвата.

Љубица Спасова – Мајка од Штип која ги доела своите две деца. И денес, кога се обидува да се присети на тој бебешки период и на раното детство на своите деца, прва слика која и се јавува е детето на нејзините гради, топлината создадена меѓу двајцата, неговото блажено лиценце додека цица...