На работилницата „Научете како да го доите Вашето бебе“ која се одржа на 14.03.2018 година, имавме чест и задоволство како гости да не посетат  сестри и акушерки од Општа Болница Куманово и од ГОБ 8-ми Септември.

Оваа соработка беше реализирана согласно програмската определба на организацијата Лулка, нашата мисија и визија и во контекст на Меморандумот за соработка потпишан со Унијата на сестри, акушерки и техничари. Една од трите главни програмски насоки на Организацијата Лулка е промоција, заштита и поддршка на доењето. Лулка го промовира доењето во Македонија од 2011 година, преку едукација на трудници и доилки, соработка со WABA и одбележување на Светската недела на доењето секоја година.

На работилницата гостите од здравствените установи се запознаа со работата на организацијата Лулка, современите ставови во врска со процесот на доење, анатомијата и физиологијата позади процесот, како да се започне и како правилно да се одржи доењето, кога да се користат, а кога не, дополнителни помошни средства како пумпи, силиконски брадавки и слично. Од нашиот педијатар Др Денис Ал Кхалили тие имаа можност да дознаат кои се главните елементи на правилната поддршка на доењето и како да се воспостават тие, со цел зголемување на процентот на доење во РМ. Се разговараше за предизвиците кои може да се очекуваат на почеток на доењето и како тие најлесно да се надминат. 

Во иднина е планирано проширување на соработката и заедничко организирање на работилници и предавања, со цел подобар третман, подобра превенција и едукација на пациентите.

 

 

EventPhoto8


 

 

 Babytol baner

 

 

  

ikonka

newsletter archive icon 2


Активностите на организацијата Лулка и на Платформата за поддршка на родители на предвреме родени деца ПремНова се одвиваат со поддршка и во соработка со Европската фондација за грижа на новородени (European Foundation for Care of Newborn Infants). EFCNI е првата паневропска организација која ги застапува интересите на предвремено родените деца и нивните родители.

 

Умбрела

 logo konceptmama