Организацијата Лулка беше поканета да учествува со презентација на Конгресот на ЗМСТАЛ кој се одржа на 18-20 мај 2018 година во Струга. Медицинските сестри и акушерките се важен дел од квалитетната нега и грижа за трудниците, мајките и бебињата, и поради тоа се и наши партнери.

На конгресот беше презентирано значењето на соработката во тимот сестра/доктор за промена кон подобар третман кон трудниците, родилките, предвреме родените бебиња и нивните семејства. Преку презентацијата огромна група на здравствени работници кои имаат секојдневен контакт со пациентите дознаа за Лулка, за нашите активности, за концептот Нега насочена кон семејството (Family centered care).