Правилното покачување на тежината во текот на бременоста со здрава, балансирана исхрана е добар знак дека вашето бебе ги добива хранливите материи кои му се потребни за соодветно да расте.

Не е потребно да „јадете за двајца“ во текот на бременоста.

Точно е дека ви се потребни есктра калории од храна богата со хранливи материи кои ќе му помогнат на бебето во растот, но главно потребно ви е да конзумирате 100 до 300 повеќе калории од она што претходно сте го козумирале за да ги задоволите потребите на вашето бебе кое расте.

Прашајте го вашиот доктор колку тежина би требало да „ставите“ во текот на бременоста. Жена со средна тежина треба да накачи 11 до 15 кг во текот на бременоста. Жена со подпросечна тежина треба да накачи 12 до 18 кг во текот на бременоста. Жените со надпросечна тежина може да накачат само 6-11 кг. Можеби ќе биде потребно да ја накачите или симнете тежината , зависно од она што ќе ви го препорача докторот.

Главно, треба да накачите од 800 грама до 2 кг во првите три месеци од бременоста и уште 400 г неделно до крајот на бременоста. Ако очекувате близнаци треба да накачите 16 до 20 кг во текот на бременоста. Тоа во просек би било околу 700 г неделно по вообичаеното покачување на тежината во почетните три месеци.

Каде оди дополнителната тежина во текот на бременоста?

Бебе         3 кг

Плацента         0.8 – 1 кг

Амнионска течност 0.8 – 1 кг

Ткиво на градите (дојките) 0.8 – 1 кг

Снабдување со крв 2 кг

Масти за породување и доење 2 - 4 кг

Зголемување на матката 0.8 – 2 кг

Вкупно         11 – 16 кг

Дали е безбедно да се изгуби тежина додека си бремена?

Во некои случаи кога жената е со надпросечна тежина, безбедно е да симне тежина под контрола на медицинско лице. Како и да е, во повеќето случаи жените не треба да се обидуваат да симнуваат тежина во текот на бременоста.

Како да го накачам вистинскиот број на килограми во текот на бременоста?

Доколку вашиот доктор препорача покачување на тежината, еве неколку предлози:

  • Имајте пет до шест оброци секој ден. 
  • Имајте при рака лесни грицки, како на пример ореви, суво грозје, сирење и крекери, суво овошје и сладолед/јогурт.
  • Намачкајте путер од кикирики на лепче, крекери, јаболко или целер. Една лажичка путер од кикирики ќе ви обезбеди околу 100 калории и 7 гр протеини.
  • Додавајте обезмастено млеко во прав во пирето, кајганата или во топлите житарки.
  • Додавајте мирудии во оброкот, како на пример путер или маргарин, крем сир, сос, кисела павлака и сирење или кашкавал.

Што треба да правам ако накачам премногу тежина во текот на бременоста?

Ако накачите повеќе тежина од препорачаното во текот на првиот дел од бременоста, разговарајте со вашиот доктор. Најчесто не се препорачува намерно намалување на тежината со диета додека сте бремени.

Осигурајте се дека јадете различна храна за да ги земате сите хранливи материи кои му се потребни на вашето бебе и Вам. Еве неколку совети за да го забавите накачувањето на килограмите:

  • Кога јадете надвор во ресторан за брза храна, изберете ниско калорична храна, како на пример сендвич со печени пилешки гради и домат и марула (без кечап и мајонез), салата со ниско калоричен прелив, обичен геврек или обичен испечен компир. Одбегнувајте пржена храна како помфрит, моцарела стапчиња или поховано пилешко.
  • Одбегнувајте полномасни млечни производи. Потребни ви се барем 4 порции од млечни производи секој ден. Како и да е, користењето на млеко со 1% или 2% масленост, значително ќе ја намали количината на калории кои ги внесувате. Исто така пробајте ниско маслено сирење/кашкавал и јогурт.
  • Ограничете ги слатките или засладените пијалоци. Слатките пијалоци како што се безалкохолните пијалоци, овошни пијалоци, леден чај или прашкасти миксови ќе ви обезбедат многу калории, но малку хранливи материи. Изберете вода обична и минерална за да ги избегнете дополнителните калории.
  • Не додавајте сол во исхраната. Солта ја задржува водата во телото.
  • Ограничете ги слатките и високо калоричните закуски како што се колачиња, бонбони, крофни, сирупи, мед, чипс кои имаат многу калории, а малку хранливи материи. Обидете се да не јадете од овие видови на храна секојдневно. Наместо тоа, пробајте свежо овошје, јогурт со малку масленост, торта со јагоди, кои имаат пониска вредност на калории.
  • Користете масти во умерени количини. Мастите вклучуваат масла за јадење, маргарин, путер, сос, сосови, мајонез, преливи за салата, маст, павлака и крем сирење. Користете супститути со пониска калориска вредност.
  • При подготвување на храната користете методи за готвење со кои храната нема да биде масна. Пржењето на храната во масло или путер ќе ги зголеми калориите и мастите на секој  оброк. Печење, динстање или вриење (варење) се поздрави и пониско масни методи на готвење.
  • Вежбање. Умереното вежбање, како што е препорачано од страна на вашиот доктор, може да помогне да го истрошите вишокот калории. Пешачење или пливање се безбеден и ефикасен начин за вежби за бремени жени. Но, не заборавајте да се консултирате со вашиот доктор, пред да започнете со било која програма за вежбање.

 

 

 


 

 

 Pregnatol DHA MKD Lulka no2

 

 

  

ikonka

newsletter archive icon 2


Активностите на организацијата Лулка и на Платформата за поддршка на родители на предвреме родени деца ПремНова се одвиваат со поддршка и во соработка со Европската фондација за грижа на новородени (European Foundation for Care of Newborn Infants). EFCNI е првата паневропска организација која ги застапува интересите на предвремено родените деца и нивните родители.

 

Умбрела

 logo konceptmama