Светскиот ден на предвремено породување се одбележува на 17-ти Ноември секоја година, за да се подигне свеста за предвремено породување и да се подобри грижата за недоносените бебиња и нивните семејства ширум светот. Околу 15 милиони бебиња се раѓаат предвреме секоја година, или едно на секои 10 новородени. Она што ја одбележа оваа година е слоганот на одбележувањето, со кој целата кампања се приближува кон семејствата и ја промовира „негата насочена кон семејството“ (Family-centered Care).

На 08.11.2018 година во хотел Порта во Скопје се одржа првиот состанок на Советот на родители на организацијата Лулка. 

Организацијата Лулка се претстави пред гинеколозите на стручниот состанок на Здружението на гинеколози и опстетичари на Македонија и Македонска асоцијација за пренатална медицина.

Во рамки на Балканската школа за педијатри која се одржа од 12 - 15.09.2018 година во Хотел Александар Палас, учествуваше и организацијата Лулка со презентација на тема Доењето - модерен предизвик за здравствените работници. Презентацијата беше дел од сесијата наменета за здравствените работници со средно, вишо и високо образование која се одржа во четврток на 13.09.2018 година, а сесијата ја водеа претставници од Унијата на ЗМСТАС и Здружението на професионални физиотерапевти на Република Македонија.

PreMama Duo 250x250

 newsletter banner subscribe

              

 


Активностите на организацијата Лулка и на Платформата за поддршка на родители на предвреме родени деца ПремНова се одвиваат со поддршка и во соработка со Европската фондација за грижа на новородени (European Foundation for Care of Newborn Infants). EFCNI е првата паневропска организација која ги застапува интересите на предвремено родените деца и нивните родители.

 logo konceptmama