Патрони или поддржувачи на организацијата се сите индивидуалци, физички лица и истакнати јавни личности од општествениот живот кои со својата великодушност и филантропско делување го поддржуваат и промовираат работењето и активностите на организацијата Лулка.
Покровителите се компании кои ја поддржуваат нашата работа во одреден сегмент, кои поддржуваат одреден проект, настан или акција. Ова се компаниите кои овозможуваат нашиот глас да стигне подалеку, да допре до граѓаните, до оние кои имаат потреба од помош и поддршка во одредени мигови од животот.
Наши партнери се општествено одговорни компании со кои заеднички работиме на подобрување на општествените услови и олеснување на животот на граѓаните во доменот на нашето делување, со кои ја делиме нашата визија и развиваме континуирана соработка и развој.
Активностите на организацијата Лулка и на Платформата за поддршка на родители на предвреме родени деца ПремНова се одвиваат со поддршка и во соработка со Европската фондација за грижа на новородени (European Foundation for Care of Newborn Infants). EFCNI е првата паневропска организација која ги застапува интересите на предвремено родените деца и нивните родители.
